Ysgolion Iach

Mae ein hysgol yn falch iawn i fod yn rhan o gynllun Ysgolion Iach Sir Gaerfyrddin. Mae’r statws hwn yn bwysig iawn i ni yn Ysgol Pontyberem gan ein bod yn ymfalchïo mewn pwysigrwydd cael ysgol iach.

Ar hyn o bryd ein nod yw ennill y wobr ansawdd genedlaethol Cynlluniau Ysgolion Iach – Rhwydwaith Cymru. Mae’n gynllun gwirfoddol ar gyfer ysgolion sy’n cydnabod ac yn annog cyfraniad at gefnogi iechyd a lles disgyblion. ‘Mae’n dathlu’r gweithredoedd cadarnhaol y mae ysgolion yn eu cyflawni o ran bwyta’n iach a gweithgaredd corfforol a’i nod yw helpu ysgolion i nodi camau nesaf defnyddiol yn eu darpariaeth.’

Er mwyn ennill y Wobr Ansawdd Genedlaethol mae’n rhaid i ni dystiolaethu’r 7 testun iechyd canlynol i sicrhau ein bod yn darparu’r addysg orau i’n dysgwyr.

Dyma’r 7 testun wrth ystyried y wobr ansawdd genedlaethol Ysgolion Iach:

• Bwyd a ffitrwydd

• Iechyd meddwl ac emosiynol a lles

• Datblygiad personol a pherthnasoedd

• Defnyddio a chamddefnyddio sylweddau

• Hylendid

• Yr Amgylchedd

• Diogelwch